నేటి రైతు దయనీయ స్తితికి అద్దం పట్టి
బతుకమ్మ పాటలో మీ ముందుంచుతున్నా
ఆత్మాహుతి రైతులకు నివాళులతో అంకితం
* పల్లెబతుకమ్మ *
బతుకమ్మ బతుకమ్మ ఉయ్యాల
బంగారు బతుకమ్మ ఉయ్యాల
బతుకు భారమై ఉయ్యాల
బతుకులీడుస్తున్నముయ్యాల
చెట్టు పుట్ట లేక ఉయ్యాల
చెదపురుగు బతుకాయె ఉయ్యాల
ఎండలే యేడెక్కి ఉయ్యాల
వర్షాలు కురవక ఉయ్యాల
చెరువులెండిపాయె ఉయ్యాల .....బతుకమ్మ
దుక్కిదున్నలేదు ఉయ్యాల
మునుపుచేసినప్పు ఉయ్యాల
మూడురెట్లాయెను ఉయ్యాల
ముప్పూటబోజనం ఉయ్యాల
కలలోనె తింటుంటముయ్యాల .....బతుకమ్మ
ఇన్నిబాధలున్న ఉయ్యాల
బతుకమ్మపూజకు ఉయ్యాల
గునుగు పూలుతెచ్చి ఉయ్యాల
ఒక్కొక్క పువ్వేసి ఉయ్యాల
వరుసపేర్చి నీకు ఉయ్యాల
బతుకమ్మ చేస్తమే ఉయ్యాల ..... బతుకమ్మ
తంగేడు పూలు తెచ్చి ఉయ్యాల
తరచిపేరుస్తమే ఉయ్యాల ...........బతుకమ్మ
బంతిపూలు తెచ్చి ఉయ్యాల
బొద్దుగాపేరుస్తముయ్యాల ...........బతుకమ్మ
చామంతిపూలు తెచ్చి ఉయ్యాల
చక్కగా పేరుస్తముయ్యాల ........బతుకమ్మ
తామర పువ్వు తెచ్చి ఉయ్యాాల
తీరుగా పేరుస్తముయ్యాల ........బతుకమ్మ
గుమ్మడిపువ్వుతెచ్చి ఉయ్యాల
ముద్దుగుమ్మలాపేరుస్తముయ్యాల ...బతుకమ్మ
దోసపువ్వు తెచ్చి ఉయ్యాల
దోసిట్లపేరుస్తముయ్యాల..........బతుకమ్మ
కట్లపువ్వుతెచ్చి ఉయ్యాల
కట్లుగాపేరుస్తముయ్యాల ........బతుకమ్మ
బీరపువ్వు తెచ్చి ఉయ్యాల
నారతోపేరుస్త ము య్యాల .....బతుకమ్మ
గడ్డిపువ్వు తెచ్చి ఉయ్యాల
గుంపుగాపెరుస్తముయ్యాల........బతుకమ్మ
వాముపువ్వుతెచ్చి ఉయ్యాల
వాటంగపేరుస్తముయ్యాల........బతుకమ్మ
ఒక్కొక్క పువ్వేసి ఉయ్యాల
వరుసపేరుస్తాము ఉయ్యాల
పసుపుగౌరమ్మను ఉయ్యాల
పొందిగ్గచేస్తాము ఉయ్యాల .....బతుకమ్మ
కష్టాలు తొలగించు ఉయ్యాల
వర్షాలు కురిపించు ఉయ్యాల
పంటలేపండించు ఉయ్యాల
గాదెలన్నినిండి ఉయ్యాల
కాసులేకురవాలి ఉయ్యాల
అప్పులేతీరాలి ఉయ్యాల
రైతులందరు కూడ ఉయ్యాల
చల్లంగ ఉండాలి ఉయ్యాల
No comments:
Post a Comment