పోరాటం

సహస్రకవి101-53
3/12/2015 ప్రపంచ వికలాంగుల దినోత్సవం సందర్బంగా

* శీర్షిక:పోరాటం *

అమ్మా
ఆకలేస్తుందని అడుగలేనమ్మా !
నోరులేని లేగలా నేనున్నా
నా పేగు ఆకలి కేక నీకెలా వినిపించిందమ్మా !
అవిటినైనా అక్కున చేర్చుకుంటావు
అందరి లానే నన్ను చూస్తావు
మరెందుకమ్మా అందరూ నన్ను అవిటి అంటారు?
చదువులో ఆటలో ముందున్నా
అదోలా చూస్తారెందుకు?
ఆటపట్టిస్తారెందుకు?
వేరుచేస్తారెందుకు?
గేలిచేస్తారెందుకు?
నీవిచ్చే ప్రేమను వాళ్ళెందుకివ్వరు?
నీవిచ్చే ధైర్యం వాళ్ళెందుకివ్వరు?
ఎవరేమన్నా
ఎవరేమనుకున్నా
నాకూ కలలున్నాయి
నాకూ ఆశలున్నాయి
నాకూ ఆశయాలున్నాయి
నీవిచ్చే ధైర్యంతో
సమాజ దృక్పద వైకల్యాన్ని జయిస్తాను
నా కలలు ఆశలు ఆశయాలుా సాధిస్తాను...
               *****అవేరా******