బంగారు బతుకమ్మ

sk101_03
* శీర్షిక: బంగారు బతుకమ్మ  *

తెలంగాణ పల్లె రంగులద్దుకున్నది
తెలంగాణ పట్నంలో పూలజాతర
ప్రపంచంలో  అరుదైన  వేదిక
మనదైన  సాంస్కృతిక  వేడుక
బడీడు ఆడపిల్ల బడిబాటమరిచింది
చెల్కల్ల గుట్టల్ల తిరిగింది
కాలు ముల్లు  గుచ్చినా
రాళ్ళు  తగిలినా
అన్వేషణ  ఆపలేదు
ఈపువ్వు ఆపువ్వు అని లేదు
అన్ని పువ్వులు ఏరుకుంది
ఇల్లుచేరి  ఈవాడ  ఆ వాడ
అందరిని పిలిచింది
తంగేడు,పట్టుకుచ్చులు
గునుగుపూలు,గుమ్మడిపూలు
బీరపూలు,కట్లపూలు,
దోసపూలు,గడ్డిపూలు
గుమ్మడిపూలు,వాముపూలు
బంతిపూలు, చామంతిపూలు
అన్నిపూలు అందరు కలిసి
అందంగా పేర్చారు బతుకమ్మలను
సాయంకాలం......
అన్ని బతుకమ్మలు  చెరువు  దగ్గర చేరాయి
గుడిగోపురం లా రంగురంగుల బతుకమ్మలు
స్తీత్వాన్ని  పూజించే పండుగ
సప్తవర్ణాల పండుగ
రంగురంగుల పట్టు వస్తాలలో
మహిళ ల జాతర
చప్పట్లు కోలల లయతప్పని బాణి
బతుకమ్మ బతుకమ్మ ఉయ్యాల బంగారు బతుకమ్మ ఉయ్యాల
ఒక్కేసి పువ్వేసి చంద మామ..
పాటలతో మొదలై
పోయిరావమ్మా గౌరమ్మా...పొద్దుపోయే గౌరమ్మా
మల్లెప్పుడత్తవే గౌరమ్మా
అని గౌరమ్మను సాగనంపారు.
*********అవేరా********