వలస పక్షులు

సహస్రకవి101-61
 7/12/2015

* శీర్షిక: వలస పక్షులు *

కొన్ని వేలకిలో మీటర్ల ఆవల మా ఊరు
ఊరు వదలి దేశం వదలి ప్రకృతి ప్రేమలో
మైమరచి పోదామని వచ్చాము
వలస పక్షులం ఫ్లెమింగోలం మేము
ఇల్లూ వాకిలి లేని సంచార పక్షులం
ఆకాశం అంచును తాకగలం
మేఘాలను చుంబించగలం
శరదృతువులో మాకనుకూల వాతావరణంలో
పిక్నిక్ కని వచ్చాము సొంత గూడువదలి
అత్తగారింటికి వచ్చే పెళ్ళి కొడుకుల్లా
ప్రతీ ఏడు వస్తున్నాం ప్రకృతిలో పరవశించి వెళుతున్నాం
కానీ ఈ ఏడు ఆనంద ఉత్సాహలతో
ఇక్కడికి చేరుకున్న మాకు నిరాశే
ఆనాటి మెదక్ అడవుల పచ్చదనం ఏది??
వాగుల  వంకల ఎగిరి దూకే జలపాతములేవి?
మంజీరా వయ్యారాల వంపుల్లో
జలజల పారే జలసిరులేవి?
మంజీరా ప్రాజక్టు
ఆకలితో అలమటించే
పేదవాని ముఖము వలే
కళావిహీనమైనది జలములేక
ఋతుపవనాలు ముఖం చాటు చేసెనో ?
ఎల్నినో ప్రభావమో ?
గ్రీన్ హౌస్ వాయు ప్రభావమో ?
వర్షాలు లేక ఎండెను మా అభిమాన సరస్సు
కళకళలాడే పచ్చని
అడవి తల్లి వెలవెల బోయింది
నీరులేని సరస్సులో మాకాహారమేది .?
మాకు జలకాలాటల ఆనందమేది?
వేలలో వచ్చే మేము రేడియేషన్ మృత్యుపాశానికి
కొందరు బలి కాగా వందలలో మిగిలాము
ఎండిన సరస్సును జూచి
మరలిపోయారు సహచరులు కొందరు
నిరాశా నిస్పృహతో !
ఆందోలు చెరువులో నీరు తక్కువున్నా
తిప్పలు తప్పవనీ అక్కడ చేరాము
కరుణిస్తే ప్రకృతి వస్తాయి వానలని
ఆశతో కాలం వెళ్ళబోస్తున్నాం బిక్కు బిక్కంటూ
             *******అవేరా ********