ప్రకృతి ప్రకోపమా!

సహస్రకవి 101-51
3/12/2015
* శీర్షిక: ప్రకృతి ప్రకోపమా!*

ప్రకృతి ప్రకోపమా?
వరుణుడి కోపమా ?
పారిస్ సదస్సుకు
పర్యావరణ హెచ్చరికా?
కుండపోత వర్షం తో
కుదేలైన చెన్నపట్నం
కుదురు లేక
పెచ్చరిల్లె గ్రీన్ హౌస్ వాయువులు
పెరిగెను భూతాపము
విరిగెను ప్రకృతి నడుము
ఫలియించని చర్చలతో
దశాబ్దాలు దొర్లాయి
పెరిగిన ఉష్ణోగ్రతతో
మంచు ఫలకాలు ద్రవమై దొర్లాయి
కర్బన ఉద్గారాలతో అభివృద్దికి సోపానం
మానవ మనుగడనే చేస్తాయి భూస్ధాపనం
కళ్ళు తెరిచి ప్రభుతలన్ని
చర్యలు చేపట్టాలి
పారిస్ పర్యావరణ సదస్సు సాక్షిగా...
            ******అవేరా******