జండా -- ఎజెండా

సహస్రకవి101-55
  7/12/2015
 * శీర్షిక: జండా--ఎజెండా *

వలసలు రాజకీయ రంగు మార్పిడులు
వలసలు ఊసరవెల్లుల విన్యాసాలు
నీతిమాలిన రాజకీయాలకు అద్దాలు
నిజాయితీని సమాధి చేసే నిశిక్రీడలు
ఒకరోజు త్రివర్ణం
ఒకరోజు కాషాయం
ఒకరోజు పసుపు
ఒకరోజు గులాబీ
ఒకరోజు ఎరుపు
ఒకరోజుపచ్చ
మరొక రోజు మరొక రంగు
ఒక్కొక్క రంగుకు
ఒక్కొక్క జండా
ఒక్కొక్క ఎజెండా వున్నా
ఒకే ఎజెండా తప్ప
ఏ ఎజెండా లేని వాళ్ళు ( వి) నాయకులు
ఆ ఒక్కటే పదవి ఎజెండా
ఒక జండాతో గెలుస్తారు
మరో జండా ధరిస్తారు
గెలవక ముందు నాయకుణ్ణి పొగుడుతారు
గెలిచాక కండువా మార్చి మరీ తెగుడుతారు
సిద్దాంతం  బద్దతకు ప్రమాణాలు చేసి
ఓటరు దేవుళ్ళంటూ ప్రణామాలు చేసి
జవాబు దారి లేని ప్రజా దేవుళ్ళీ (వి)నాయకులు
సిద్దాతం రాద్దాంతమైనపుడు
ప్రమాణాలను  ప్రణామాలనూ  తుంగలోతొక్కే
మారాజుల ఎన్నిక
కాదా ప్రజల నెత్తిన భస్మాసుర హస్తం ??
(ఇది ఎవరినీ ఉద్దేశించి రాసినది కాదు)
          ********అవేరా*****