మరో దీపావళి

sk 101-16

  *శీర్షిక:  మరో దీపావళి *

ఎక్కడోపుట్టాము ఎక్కడోపెరిగాము
సరస్వతీ మాత సేవలో
 సాహితీ వనంలో కలిసాము

గ్రామాలుదాటి జిల్లాలు దాటి
రాష్ట్రాలు దాటి దేశాలుదాటి
ఖండాలు దాటి వాట్సప్ వేదికగా
జగదైక తెలుగు కుటుంబం అయ్యాము

ఈ సాహీతీ వనంలో  ఎన్నెన్నో వృక్షాలు
కొలువుతీరి ఉన్నాయి
ఎన్నో ఎన్నెన్నో పుష్పిస్తున్నాయి
సుగంధ సుమధుర  సాహితీ పరిమళాలు
విశ్వంలో వెదజల్లుతున్నాయి  
సమున్నత మధుర భావ ఫలాలనిస్తున్నాయి  

పాటలు, పద కవితలు, పద్య కవితలు
గజల్లు, చందోబద్ద కవితలు
చంపక మాలలు, కంద,సీసాలు
ఆటవెలది  ,మత్తేభ,శార్దూలాలు
రూపమేదైనా తెలుగు  సాహితీ
సౌరభాలను ఖండాతరాలలో వెదజల్లుతున్నాయి
 తేనెలొలుకు తెలుగు భాష మాధుర్యాన్ని
జగత్తులో వ్యాపింప జేస్తున్నాయి

18 నవంబరు నాడు వాట్సప్ వేదికగా
మరో దీపావళి పండుగ జరుగనుంది
ప్రపంచ వ్యాప్త సహస్ర  కవులు
కవితల దీపాలతో  తెలుగు కళామతల్లికి
నీరాజనాలు అర్పించనున్నారు  

ఆ దీపాల వెలుగు సమాజానికి ప్రగతి బాట చూపనున్నది
చెడు పై మంచికి విజయ బాట వేయనున్నది  
విజయ బావుటా ఎగురవేయనున్నది
మరోదీపావళికి నాంది కానున్నది
     *****అవేరా **** 7/11/2015