Thursday, December 31, 2015

తిమిర నీడలు

అయుత కవితాయజ్ఞం
29/12/2015
SK101
కవిత నం: 96
కవి: అనుసూరి వేంకటేశ్వరరావు
అంశం: నిర్లిప్తత
శీర్షిక: తిమిర నీడలు

కష్టము ను కన్నీరు పంచుకొని
ఇష్టమును ఇరువురము ఎంచుకొని
భాధ్యతలు బరువనక నెరవేర్చి
తోడునీడగనుండి తొంబదేళ్ళు
తోడువీడగ మండె గుండె
జ్ణాపకాలు అనుభూతులు
మనసులోన   మరువలేక
చిటుకు చిటుకు పొడుచు వడ్రంగి పిట్టలై
తిమిరనీడలు తీరైన వరుసన
బారులు తీరు నీకు భారముగనూ...!!
బంధువులు రాబందులగుదురు
కొడుకు కోడళ్ళు కొరివి యగుదురు
కూతుండ్రు అమ్మలేదని ఇంట జేరు
రాజువే నువ్వంచు రాజ్యమడుగుదురందరు
రాజ్యమనిన నీ రాజ్యమేదియు కాదు
నీదు బొక్కసమె నీరాజ్యమెరుగు
నీదు బొక్కసము బుక్కి
నిను వృద్దాశ్రమము తొక్కి
నవ్వుకుందురు తెరచాటు నిన్ను చూచి ...!!
          ****అవేరా****

No comments:

Post a Comment