నీ ఆడంబరమే నీ మృత్యువు

sk101-77
 18/12/2015

* శీర్శిక:  నీ ఆడంబరమే నీ మృత్యువు *

అప్పు అందల మెక్కిస్తుంది... ఆ క్షణం
నిప్పు లా కాలుస్తుంది ... మరుక్షణం
అందుకే అప్పు చేసి "పప్పు"కూడేల?
అప్పు లేని సప్ప కూడే మేలు
అప్పు చేసి తెల్ల ఏనుగు కొననేల ?
తప్పనట్లు నల్ల ముఖం వేయనేల??
అందని ద్రాక్షలకు అర్రులేల పులుపని సర్దుకో
అందమైన జీవితాన్ని దిద్దుకో
ఆ"డంభ"రాలు అందలం ఎక్కితే
అప్పులూ అంబరం ఎక్కుతాయి
తీర్చ లేక తిరుగుతావు బొంగరమై
తప్పవు తీర్చలేక తిప్పలు
తప్పుకు తిరుగుటె మేలని
తప్పుకు వేసుకుంటావు శిక్ష
అప్పు తీర్చ లేక చేస్తావు మరో అప్పు తప్పు
అదీ తీర్చలేక రాజుకుంటుంది అవమానాల నిప్పు
ఏ నాడూ ఆడంభరమాదుకోదు నిన్ను
ఆనాడే కానలేదు కన్ను
అత్యాశ అంటింది మిన్ను
చేయి దాటిన తప్పు
దహించే  నిప్పు
వత్తిడి తాళలేక
అవమానాన్నోపలేక
ఆత్మాహుతి అంటావు!
నీవు చేసిన తప్పుకు
కుటుంబాన్ని బలి చేస్తావు !
నీ ఆడంభరమే నీ శత్రువు!
నీ అత్యాశే నీ మృత్యువు !
     *****అవేరా ****