అయుత కవితా యజ్ఞం
29/01/2016
సహస్రకవి 101
కంద పద్య సంఖ్య:1 నుండి 100
కవి: అనుసూరి వేంకటేశ్వరరావు
అంశం :భక్తి
శీర్శిక: గణేశస్తుతి
కందము1
వినయము నిండిన మనమున
ఘనముగ కొలిచితి కదయ్య గజముఖ దేవా!
నిను భజియింతును సతతము
దునుమవె మా దోషములను ధూర్జటి తనయా!
అంశం :భక్తి
శీర్శిక: భారతి స్తుతి
కందము2
ధవళ పరిశుద్ధ వస్త్రము *
నవకాంతుల దివ్య రూపునచ్చెరువొందే ?*
భవ నామము గానమునం *
భువి పులకితమౌ భగవతి భారతి దేవీ !!
29/01/2016
అంశం :భక్తి
శీర్శిక: లక్ష్మీ స్తుతి
కందము 3
జయ వర వర్షిణి దయ గను
జయ మంగళ దాయిని జయ జయ వేదమయే
జయ దేవ గణాశ్రిత నిను
జయమని గొల్తును సురగణ జనమున్ గూడీ!!
2/02/2016
అంశం : సామాజికం
శీర్శిక: ఆకలి ఘోష
కందము 4
కనలేరా కవులారా
వినలేరా జనుల గళము వినయముతోడా
కనరాని కష్ట జీవుల
అణగారిన బ్రతుకులన్ని ఆకలి ఘోషల్ !
2/02/2016
అంశం : సామాజికం
శీర్శిక: ఆకలి
కందము 5
ఆకలి కేకల బాధల
చీకటి బతుకుల వెతలను చీల్చగ రావా !
రోకటి పోటులు తొలగగ
వేకువ కలిగించి నింపు వెలుగును దేవా!
2/02/2016
అంశం : సామాజికం
శీర్శిక: పేదల వేదన
కందము 6
పేదల కలలను దీర్చగ
వేదనలన్ తొలగునటుల వేగమే దేవా !
శోధన చేయగ మార్గము
వేదన తొలగింప దొరుకు వేంకటరమణా !
2/02/2016
అంశం : సామాజికం
శీర్శిక: ఎన్నికలు
కందము 7
ఎన్నికలనిన భవితకు *
ఎన్నుట తగు నేతను తమ ఏలిక జూడా*
మన్నును ఓటున్ ఆయుధ *
మైనొప్పును ప్రగతి మయమౌ భవిత కదా!
2/02/2016
అంశం : ఎన్నికలు
శీర్షిక: ఓటు
కందము 8
ఓటును వేయుట కేలన్
నోటుకు వెంపర్లాడుచు నిజముగ నీవే
పాటులు కొనితెచ్చుకొనగ
వేటును వేసితివి హక్కుతెలవక వేరా
2/02/2016
అంశం : సామాజికం
శీర్శిక: అన్నా చెల్లెలు
కందము 9
చెల్లెలి మనసులు మెల్లన
చల్లని దీవెనల నిడియె చంపకములనున్ !
మల్లెల మాలల బహుమతి
నల్లన నందించు నన్న ఆనందమునన్ !
2/02/2016
అంశం : వ్యవసాయం
శీర్శిక: రైతు
కందము 10
చిత్తడి నేలలు దున్నిన
పుత్తడి పండించు రేపు పుడమిన రైతే
కత్తిన సామాయె బతుకు
విత్తులు మొలకెత్త లేక ఋణముల పాలై!
2/02/2016
అంశం : సామాజికం
శీర్శిక: ఆకలి
కందము 11
ఆకలిదప్పుల వెతలను
కాకల కడుపాకలి గని కాకుల బ్రతుకే
ఈకలు ఊడిన పక్షిగ
తోకలు ముడువగ జనముకు తీరము లేదా?
కందము12
ఆకలి బాధల ఘోషలు
కేకల వేదన చితులను కెందొగనలరగ
వేకువ కాదుగ చిత్తము
నీకును జనముల కొరకు నీచుడ వేరా
(కెందొగ:::ఎర్రకలువ)
కందము 13
చట్టానికి కళ్ళులేవు *
చూట్టానికి చట్టమున్న చూపులకేదీ ?*
చెట్టా పట్టులు పట్టును *
చట్టము గూండా మనుజుల చంకనవేరా!
2/02/2016
అంశం : సామాజికం
శీర్శిక: హైక్ మెసెంజర్
కందము 14
కవులందరు చేరితిరిగ
చవులింపుగ కవితలెన్న చదవగమనసా
కవులెల్లరు హైకునకున్
కవితలు పంపగ నిజమున కదిలెనవేరా!
03/02/2016
అంశం: సామాజికం
శీర్షిక: బస్టాండ్ కూలీ
కందము15
బస్సులకై వేచామూ*
కస్సున బుస్సున పరుగున కదలగ పోటీ*
బస్సులు ఎక్కిదిగినమని*
లెస్సగజెప్పెను కదన్న లెక్కనవేరా!
కందము16
జట్టున జట్టుగ నుంటిమి *
గుట్టుగ బతుకులనులాగు గుడిగా తలచీ *
నిట్టులుగ బస్సు స్టాండులు
ఇట్టులుగ మారి కడుపులు ఎండినవేరా?
కందము17
మూటలు ఎత్తుడు దించుడు *
కోటల ఆదాయమనకు కోతలు పడగా *
బీటలు వారెను కూలీ*
బాటలు బతుకులు వెతలను బాధలవేరా!
04/02/2016
అంశం : పర్యావరణం
శీర్శిక: కాలుష్యం
కందము 18
చీమల దండుల తీరిన
ధూమము వెదజల్లు వాహదూతలు యగునా
క్షేమము పర్యావరణము
ధూమ కలుషితము కఠినము ధూళిగవేరా !
కందము19
కారు రహిత గురువారం
పురమున వెలిగెను ఘనంగ పురజన నాదం
వరమౌ కాదా నిజముగ
తెరతొలగెను గద కలుషిత తెంపరవేరా!
కందము20
కనిపించును "కమ్యూటులు "*
వినిపించదు రథము హోరు విధము చెరగగా *
అనిపించదు కాలుష్యము *
కనిపించదు కలుషితంబు కనగావేరా!
(కమ్యాటులు అనగా 12 సీటర్ మినీబస్)
(రథము అనగా వాహనము)
06/02/2016
అంశం : సామాజికం /సాహిత్యం
శీర్శిక: కొత్త నెలవు
కందము 21
కవులు సహస్రము చేరిరి*
చెవులు కొరుకుటకు నెలవును చేసిరి వాట్సప్
ప్రవిమల హైకూను వదలిరి
కవనము దొంతర దొరలగ కసిగా వేరా!
06/02/2016
అంశం : సామాజికం
శీర్శిక: బాలికల హత్యలు
కందము 22
సంతానము కొరకును కో*
రింతానే బలిని కోర రీతియునౌనా?*
చింతాగ్రస్తుల చిత్తము *
వింతా యనునట్లు కలిని వేగనవేరా!
కందము 23
పేగున కాసిన నలుసును
నాగరికత తామరచియు నలుపుట తగునా
ఈగతి బావిలొ త్రోసియు
తీగను ద్రెంపిన విధముగ తెలియగవేరా!
కందము 24
నాతిని రీతిగ జూడని
జాతికి తగిన ఫలితము వెతికిన దొరుకునా
కోతిన బుట్టిన మనిషికి
రీతిన జ్ఞానము కలుగద తీరుగవేరా!
కందము 25
బాలికను బావి ముంచిన
ఏలిక వెట్లౌదువు చెడు ఏదువువవవా!
మాలిగ మనలేవు కదర
మలినము నీ మనసు కోసి మసిగనవేరా!
కందము26
నాతికి శాపము దీయగ
రాతిని నాతిగను జేసె రాముడు నేడిటన్
నాతిని రాతిగ జేసిరి
నాతి విలువలుందెలియక నాగరి కతయే
08/02/2016
అంశం : ప్రకృతి
శీర్శిక: గోదారి
కందము 27
గలగల గోదారి మిలమి
లలజల అలలు కలగా నిలచినది వడిగా
జలజల పారే నదిలో
అలలే కనిపిం చలేదు అతిగా వేరా!
కందము 28
గోదారికి కూడానూ
ఏదారియు లేక దాహమేసెను కదరా
గోదారి ఎండి మనుజులు
కేదారుని వేడుకొనిరి కేకల వేరా!
కందము 29
ఎన్నడు చూడగ లేదుగ
ఎన్నడు కలనుగనలేదు ఎండగ గంగా
సన్నటి నీటిజల కళలు
ఎన్నగ జాడయె కనపడదెక్కడ వేరా
కందము30
పడవలు అడుగున జేరెను
తడవగ లేదుగ దనీరు తగునా నీకూ
తడమగ మీనము లెక్కడ
అడుగున జేరెను శవముల కుప్పగ వేరా
10/02/2016
అంశం : భక్తి
శీర్శిక: శివ స్తుతి
కందము31
మందార నందివర్థన
ముందెచ్చి సుపుష్పపూజ ముక్కంటికినే
నందము గనిత్తు హారతి
విందారగబుట్టతేనె వినతిన వేరా
కందము32
పాప హరాయ భవాయ న
నుం పరిపరి విధము కరుణను గనర దేవా
సంపద లీయర జోలెను
నింపగ పూజలును చేతు నిండుగ వేరా
కందము 33
వర్షము లేక వ్యవసా
యర్షపు పంటయు నుభార యవగ కుమరులు
వర్షిం చ లేక ప్రేమను
కర్షకు యాచకు డవగను కడకు వేరా
27/02/2016
అంశం : దైవభక్తి
శీర్షిక:- మోక్ష సాధనము!
సమస్య:-
ధనమే మోక్షము గడింౘు దారినిఁ ౙూపున్
కందము 34
జీవన చరమాం కములో
పావన భక్తిన మునిగిన పాపము తొలగున్
జావళి పాడగ భక్తియు
ధనమే, మోక్షము గడించు దారినిఁ జూపున్!
1/3/2016
కందము 35
ముందుగ మేలుకొ నియలే
కుందువు అంతా జరిగిన కూడా తెలియన్
పొందుగ హితమున్ పలుకులు
విందుగ వీనుల సోకగ వినరా వేరా
04/03/2016
అంశం : సామాజికం
శీర్శిక: వివేకవిచక్షణ
కం 36
చెప్పగ రావుగ ముందుగ
నొప్పుర నిజమిది ప్రమాద నొప్పులు పడగన్
తప్పదు జాగ్రతన మసలు
ముప్పును లేకన్ నిరతము మురియగ వేరా
కం.37
వ్యక్తికి నున్నతి నొసగును
రక్తిన కలిగిన వివేక రవితేజముగా
భుక్తికి లోటున్ లేకనె
శక్తిని లెస్సగ గలుగుట శక్యమవేరా
కం.38
ధర్మ విచక్షణ మనిషికి
కర్మము చేయగ నిలచుచు కఠినకొలతయై
ధర్మము నిలవద పుడమిన
కర్మము నిటులను సలుపగ కదలగ వేరా
కం.39
తమ్ముని బతుకున కష్టము
కమ్మగ మేఘములురాగ కమ్మగ తొలగున్
నెమ్మది జీవన యానము
సొమ్ములు ధర్మవిచక్షణ సొబగున వేరా
***శీర్షిక: వేసవి****
కం.40
వేసవి హాయిని పొందగ
వేసిరి పాకను తృణముతొవేడిని తోలన్
విసుగును వేడిమి లేదుగ
కసరుట లేదుగ సుఖమున కనగనవేరా
కం.41
వ్యాధులు ప్రభలును వేసవి
బేధులు కటకట జనులకు బేధము లేకన్
బాధన మండును భగభగ
బోధనలుండిన ఇడుములు బోవునవేరా
కం.42
నీరుయె లేకను జలములు
పారును మురికిగ కలుషిత పాలగువేడిన్
జ్వరములు ప్రభలును అధికము
భారము కాదా ప్రజలకు బాధలు వేరా
కం.43
కలుషిత నీరును తిండియు
పలురక ములరో గములను పంచనుచేరన్
చెలముల నీటిని తాగక
పలుపలు శుద్ధినిరకముల ఫలమునవేరా
కం.44
నీరస కండర నొప్పులు
చేరగ నిర్వీర్యమగును చేష్టలు యుడగన్
మారును శరీరమందున
నీరును వేడికి తరలగ నీతమవేరా
కం45
ఒళ్ళును వేడిగ నుండును
భళ్ళున వాంతులుయగునుర బరువగు దేహమ్
కళ్ళెమును లేని తురగము
తుళ్ళిన యట్లుగ తిరుగగ తూలునవేరా
కం46
చెమటలు పోయుట చేతనె
చెమటకు పొక్కులు మొదలగు చెమటన దురదల్
చెమటలు నుండగ చర్మము
రమణత గోల్పోవునిజము లలితమ వేరా
కం47
వేసవిన నీరు తాగని
వాసులు వేడిని భరించ వారధియగునా
వాసిగ నీరుయు సుమధుల
రాశిగ ఫలరస ములనుయు త్రాగగ వేరా
కం48
ముక్కులు పొడిబారు ననగ
దృక్కులు కాంతికి అలసియు దృక్కులెరుపునన్
మిక్కుడు కష్టము వేసవి
ముక్కున కారును రుధిరము మూలగ వేరా
కం49
బయటను వేడిగ ఎండలు
బయలున వెడలిన వడలును బాగుగ వడలున్
నియమమున బయట జనుముర అధికంగను గం
గయు పానము చేత సుఖముగ మనును వేరా
కం 50
ఎండల వేడికి వైరస్
కండ్ల కలకను నిజముగ కలగగ వేడిన్
ఎండును కన్నులు ఎర్రగ
నిండును నొప్పులు దురదలు నిండుగ వేరా
కం51
ఆటల యమ్మలు సోకును
నీటిని తాగక సరిపడు నీరే ఘనమున్
ధాటిగ తాగిన అమృతము
నీటికి కటకట యగుటయు నిజమే వేరా
కం52
పారామైక్రోవైరస్
అరయగ తట్టుగ తెలయును ఆరంభమునన్
తీవ్ర జ్వరంగ దగ్గుతొ
చేరును ఆపై ముఖమున చేరున వేరా
కం53
తుమ్మిన దగ్గిన సోకును
దమ్మున చేరియు మనుజుల దమ్ము విరచగన్
గమ్మున గవదను బిళ్ళలు
రమ్మన వైరస్ నుపిలచి రంజుగ వేరా
కం 54
అరయగ డెంగీ బెడదయు
పెరుగును ఘనముగ నుసుములు పెరుగిన రోగము
పెరుగును బాధలు పెరుగును
జ్వరముయు నొప్పులు కలుగును జఠిలమ వేరా
కం 55
దోమలు పెరిగిన కలుగును
సీమన రోగము జనముకు శాపము కాదా!
సమయమునకు మేలుకొనక
దోమల చేతను బడగను దోషిగ వేరా!
కం 56
అంటును రోగము నుసుముల
వంటికి చికునుగనియ యని వాడగ ముఖమున్
ఇంటిన నీరును నిలపక
వంటిని గాయుము ఎపుడును వగయక వేరా!
కం 57
ఎండా కాలము జాగ్రత
నిండా జనులున్ తెలియుర నిరతము ఉదరం
నిండా నీరును ద్రవములు
నిండుగ పండ్లరసములను నింపర వేరా!
కం 58
స్నానము చేయర ఉదయము
స్నానము సాయంత్రమాడ సరియగు వేడిన్
సన్నని ఖాదీ ధరించు
వనముల వేసవి గడుపుము వందన వేరా!
కం 59
ఎండల బయటను తిరుగక
నీడన యుండిన జనులును నీరసపడకన్
యుండర వాడగ టోపీలు
గొడుగుల నారోగ్యముండ ఘనముగ వేరా!
07/03/2016
సహస్రకవి 101
అంశం : భక్తి
శీర్శిక: శ్రేయస్సు ప్రేయస్సు
మిత్రులందరికీ మహా శివరాత్రి శుభాకాంక్షలు!
కం60
చేయుము కరములు జేర్చిన్
శ్రేయస్సును కలుగ జేయు జేరగ భక్తిన్
ప్రేయస్సుయు కలుగును శివ
సాయుజ్యమునందు వేడు శరణన వేరా
కం61
అనువైనది మాఘమనగ
మనమున శివశివ యనంగ మన్నన దోషం
ఘనముగ దొలగును నిఠలా
క్షని భక్తిన కొలిచినంత క్షణమున వేరా
07/03/2016
అంశం : భక్తి
శీర్శిక: శివరాత్రి కందాలు
మిత్రులందరికీ మహా శివరాత్రి శుభాకాంక్షలు!
కం62
దురితన్ నాశము పంచా
క్షరి స్మరణతో ఘనముగ క్షణము నినుగొలువన్
దారిద్ర్య ద్వంస శివా
య రవము గావును నిరతము ఔనన వేరా
కం63
జటమున గంగను దాల్చియు
కటినము నట్లున ధరించి గరళము జనులన్
జటిలము తొలగన్ జేయుము
జటాధరా దేవ దేవ జయమన వేరా
కం64
జగతి పాలించు శివుడున్
జగదాధారా జగమున జయమును గూర్చన్
సిగనున్న గంగ విడుమా
తగు రీతిన గావుము జగతంతయు వేరా
కం65
కోరిన వరములనోసగు
చేరికొలువగా హరుండు చేతులు జోడిం
చర జనులున్ మనము నిలిపి
కరి చర్మము ధారి నీడ కంకట వేరా
11/03/2016
అంశం : సామాజికం
శీర్శిక: అలసత్వం
కం66
మనిషికి కూడని గుణముగ
కనవే నలసత్వమున్ సకలమును గెలవన్
వినరా పెద్దల సుద్దులు
చనురా ముద్దుగ ప్రగతిని చాలును వేరా
11/03/2016
అంశం : సామాజికం
శీర్శిక: పల్లె
కం67
అటుఇటు చెట్లకు మద్యన
దాటుచు గెంతుచు గలగల దాపల ఎలపల్
పటుతర గిత్తలు దూకగ
పటమట సంధ్యను కనగను పండుగ వేరా!
కం 68
చల్లని చిరుచిరు జల్లున
ఘల్లని ఎద్దుల మెడలున గంటలు మ్రోగన్
చల్లని తుంపర మేనిని
ఝల్లని పించగ వినదగు ఝరియదె వేరా!
కం 69
ఘలుఘల్లున మోతలతో
పల్లెల యందము కనగను పథమున జనరా
ఎల్లలు లేకను ఎద్దులు
ఘల్లని పేరెము జనగను ఘనముగ వేరా!
కం 70
ఎద్దుల బండుల జనుచును
సుద్దులు చెప్పుచు చెలియతొ సుమఝరి కనగన్
కద్దుగ చెలియతొ సరసము
వద్దన భావ్యము యుకాదు వరముయె వేరా!
కం 71
శిరమున బిందెను దాల్చియు
కరమున గాజులు తొడిగిన కలకంఠి హొయలన్
చెరువున కడవను ముంచిన
తరులత సోయగము సాటి తరమా వేరా!
కం 72
కరములు తామర తూడులు
విరిసిన కన్నులు కలువలు విరిబోణిలకున్
సరళము పలుకులు గుణముయు
చరమున హంసలను బోలు చతురత వేరా!
కం 73
నడకను చూడగ నాట్యమె
పడతుల సోయగ వలలను పడని పురుషుడున్
ఉండడు నటునిటు ఊగును
నడుము జఘనముననూగు నజ్జెడ వేరా!
కం 74
పల్లెల పడతుల వస్త్రము
మెల్లని నడకల సొగసున మెండుగ వెలుగున్
ఝల్లను రసికుల గుండెలు
పల్లులు తోడెము తొలగిన పందెము వేరా!
కం 75
కపటము తెలియని మనుషులు
విపులము తెలియగనిచటను విరివిగ జేయా !
తపమున పనులను జయముగ
కపటముయు దలచక నిచట కనుముర వేరా!
(సర్వ లఘ కందము)
కం 76
చేయుర పనులను నిష్టగ
కాయము అలసిన విడువకు కారణ లేకన్
తాయము నినుజే రుననగ
జేయుము నిరతము పనులను జెయమున్ వేరా!
కం 77
రేపటి పనినియు నేడే
రేపనకను జేయుదలచు రేయింబగలున్
తాపమునోందక జేయుము
కోపము వీడుము విజయము కోరగ వేరా!
కం78
ఆలోచన జేయుమనగ
ఆలస్యము లేకజేయు అవగతమవగన్
మేలును చేసే పనులను
కాలముతో పరుగిడుచును కాకన వేరా!
కం 79
మేలును తలచుర పరులది
కీలును తలపకు కలయును కీర్తిన్ వెలగన్
కాలము విలువను తెలియుర
జాలిని చూపుముర జంతు జగమున వేరా!
కం80
ఏదారియు కానకనున్
పాదముల నాపకు సతతము పరుగే నీకున్
పాద లక్ష్యము విడువ కెపుడు
వేదన దరిచేర నీకు వేగమె వేరా!
కం 81
ఆలస్యాదమృతం విష
మేలన సత్యమనగ నిల మేటియగుజనులు
కాలము విలువను తెలియస
కాలము నన్నియు పనులను కదలగ వేరా!
కం 82
కాలము మించిన ధనముయు
నేలన కలదా నిరతము నెరుగుము విలువల్
కాలుడిని మించిన శూరుడు
తేలడు కాలము విలువను తెలియగ వేరా!
కం 83
తొందర చేయగ పనులును
చిందర యవునుర యెపుడును చిత్తము లేకన్
వందర యవునుర పనులును
కందము చెప్పగ వినుముర కమ్మగ వేరా!
కం 84
జాతి ప్రగతియె లేదుగ
రాతి బ్రతుకవ్వును గద రాయగ నేడున్
జాతికలసత్వమె విషము
నీతిగ సత్యము తెలియుర నిజమున్ వేరా!
కం 85
జయము గోరుచు కృషినిన్
జయమును పొందుము ఘనముగ జాగును వలదున్
జయము జేరద నీదరి
దయగను ఈశ్వరుని ప్రేమ దరిన వేరా
12/03/2016
అంశం : సామాజికం
శీర్శిక: నీరు
కం 86
అన్నల తమ్ముల కలహము
మిన్నును తాకును అవసరమిన్నం టనిలన్
జనుగను స్వార్థపు బుద్దిన
ఎన్నడు నీటిని యడుగగ ఇలలో వేరా
శీర్షిక:పరనింద
కం:87
పరనింద జేయకు పరుల
సరళ పదముతో పిలిచిన సరియగు నీకున్
నిరతము నిలువుము నీతిగ
తరములు పేరున్ నిలుపగ తరుణమవేరా
శీర్షిక:పరసేవ
కం:88
వరమున పుట్టిన జనుడవు
కరమున సిరినిన్ ధరించి కరవేయంగా
తరములు కరగని సిరులను
పరసేవకు కాని సిరులు పరగదువేరా
శీర్షిక:రైతు
కం:89
జఠిల ధరలతో వ్యయమును
కఠిన వేదనలకోర్చి కాటికి జేరెన్
పఠనము జేయవె ప్రభుతా
జఠిలము రైతుకు తొలగగ కఠినము కాదున్
కం:90
రాజును చేయగ రైతును
గాజుల బతుకులు బతుకును ఘనముగ కాదా
పోజులు మానర పాలక
తేజుగ రాజిలగ జేయు తేజము పొందన్
శీర్శిక: అడ్డదారి
కందము 91
వేగిర పడకను ఎక్కుము
జాగునుసేయకను మెట్లు జయమందునురా
వేగమె చేరగ గమ్యము
వేగిరపడినెగిరినట్లె వ్రేలున వేరా
22/03/2016
సియాటెల్,యూ ఎస్ ఏ
ప్రపంచ జలదినోత్సవ సందర్భంగా
శీర్షిక:జలము
కందము 92
ఇలయు నిప్పుయు నింగియు
జలముయు గాలియు నిజముగ జగమున జనులున్
కలవరము లేక మసలుటకు
నిల పంచమ భూతములుగ నిలచెన వేరా!
కందము 93
జలము గుణము తెలియగ
వలయును జలమును వాడుట తెలియన్
జలమును స్వచ్ఛము వాడుము
కలవరమే కద పరుచగ కల్మష వేరా
కందము 94
విస్తారము నీర మనియు
ప్రస్తా వించుచు ఘనమున పారయు బోయన్
విస్తా రమ్మున కరవున
నిస్సారమవునవని జలనిధియె వేరా
కందము 95
బిందువు బిందువు పట్టుము
సింధువు జేయగ నిరతము శివునిసిగలన్
బిందువు ధారగ కురియద
బిందువిలువ తెలియ గంగ బిరబిర వేరా
కందము 96
వర్షపు నీటిని పట్టుము
హర్షము నొందగ జగము హరిదీవించన్
వర్షము ఇంకుడు గుంటలు
హర్షము నిండునటులనిల హాయిగ వేరా
కందము 97
చెరువులు నిండిన చాలదు
కరువులు రావలదనుటకు కంటను కనగన్
చెరువున నీటిని పొదుపున
పురజను వాడగనెపుడును పురమున వేరా
కందము 98
నీటిని ఒడుపున జారగ
ఏటికి దారియును జేయ ఏటికి జేరన్
ధాటికి మునుగదు పురముయు
చేటును కలుగదు జనులకు చేయగవేరా
కందము 99
జలముయె జగముకు నిధియని
కలనై నామరు వకుండ కన్నుల కద్దన్
కలకల మవదా జగము
నిల నీరుయె లేక పోవ నిజముగ వేరా
కందము100
ద్రవరూ పమ్మున వెలసిన
శివఝాటమునొదలిన నిజ సిరివని తెలియన్
అవరా మనుజులు తెలివిన
నవచై తన్యము కలుగగ నడయాడ వేరా
***
